नानी तिमी ज्ञानी छौं सानी छौं, कत्ति मिठो गीत गाउन जानिछौं
चिया छानेको बोलीले हँसाउन कत्ति जानेको !
सुखीलाई पो खुशी र जीत हुन्छ, दुखीको त मुखैमा गीत हुन्छ
चिया छानेको बोलीले हँसाउन कत्ति जानेको !
तिम्रै बयान चलेको छ कत्ति, शिरमा देवी मुखैमा सरस्वती
चिया छानेको बोलीले हँसाउन कत्ति जानेको !
गीतै आउछ अरु केही आउँदैन, गाउन पाए भोक तिर्खै लाउदैन
चिया छानेको बोलीले हँसाउन कत्ति जानेको !
चोली लाउन गुनियो लाउन, तिम्लाई कल्ले सिकायो गीत गाउन
चिया छानेको बोलीले हँसाउन कत्ति जानेको !
उड्ने चरी भोकले मर्छ र, वनको काँडा तिखार्नु पर्छ र ?
चिया छानेको बोलीले हँसाउन कत्ति जानेको !
पहिलो गीतको शुरु त होला नि ? गीत सिकाउने गुरु त होला नि !
चिया छानेको बोलीले हँसाउन कत्ति जानेको !
जन्म दिने बाआमा हुन् गुरु, उनकै काखमा भाको हो गीत शुरु
चिया छानेको बोलीले हँसाउन कत्ति जानेको !
यो उमेरमा यहाँसम्म आएको, कहिले हो नि पहिलो गीत गाएको
चिया छानेको बोलीले हँसाउन कत्ति जानेको !
काखमै हुँदा गीत मात्रै सुन्थे रे, भोक लाग्द नि गीतैमा रुन्थे रे
चिया छानेको बोलीले हँसाउन कत्ति जानेको !
सबको माया आशिर्वाद पाएर, तिमी कहिल्यै नथाक्ने गाएर
चिया छानेको बोलीले हँसाउन कत्ति जानेको !
ध्यान त मेरो गीतमै छ रातदिन, गाउन सक्छु सातै रात सातै दिन
चिया छानेको बोलीले हँसाउन कत्ति जानेको !
धेरै गाइछ्यौ दोहोरी गीत, अहिलेसम्म कत्ति भो हारजीत
चिया छानेको बोलीले हँसाउन कत्ति जानेको !
त्यत्ति साह्रै जान्ने त भाछैन, तर पनि हारेकी कही छैन
चिया छानेको बोलीले हँसाउन कत्ति जानेको !
स्कूल छोडी पढने बेलामा, हिड्छौ अ रे रमाइलो मेलामा
चिया छानेको बोलीले हँसाउन कत्ति जानेको !
स्कूल बिदा पारेर हिनिछु, कापी किताब गाएरै किनिछु
चिया छानेको बोलीले हँसाउन कत्ति जानेको !
मान्छे सानी ठूली छौ नामको, बा को माया लाग्छ कि आमाको ?
चिया छानेको बोलीले हँसाउन कत्ति जानेको !
बा आमा त मायाको खानी हुँन्, दुवै मेरो आँखाको नानी हुन्
चिया छानेको बोलीले हँसाउन कत्ति जानेको !
ज्ञानी हुनु भुसुक्कै पढ्नु, अभिमानी भएर नचल्नु
चिया छानेको बोलीले हँसाउन कत्ति जानेको !
पैसाभन्दा इज्जतकी भोकी छु, संस्कारसँगै संस्कृति बोकी छु
चिया छानेको बोलीले हँसाउन कत्ति जानेको !