हराभरा डाँडैको चौतारी, म त उजाड नहुँदा दौतरी
चौतारीको वर, पीपलुलाई भर माया पर पर के रमाइलो छ र ?
यतै छु म गाछैन लङ्कामा, किन बस्छौ रामजस्तै शङ्कामा
चौतारीको वर, पीपलुलाई भर छैन पर पर मलाई माया गर ।
रुख हरियो हाँगामा पात हुँदा, म हरियो मायालु साथ हुँदा
चौतारीको वर, पीपलुलाई भर माया पर पर के रमाइलो छ र ?
म पीपलु तिमी हौ वर मेरो, बनाउने हो त्यही दिलमा घर मेरो
चौतारीको वर, पीपलुलाई भर छैन पर पर मलाई माया गर ।
तिमी भाको ठाउँँतिर घामपानी, एकै आखर भनिनौ जाम पनि
चौतारीको वर, पीपलुलाई भर माया पर पर के रमाइलो छ र ?
देख्न हुरी नपरोस् जलेको, वर सुकेको पीपलु ढलेको
चौतारीको वर, पीपलुलाई भर छैन पर पर मलाई माया गर ।
मैले देको माया कम थियो कि, कोही कसैले थपेर दियो कि ?
चौतारीको वर, पीपलुलाई भर माया पर पर के रमाइलो छ र ?
जूनले फूल सुकाउन्न कहिले नि, तिम्रो दिल दुखाउन्न मैले नि
चौतारीको वर, पीपलुलाई भर छैन पर पर मलाई माया गर ।