लिस्बन । तनहुँँ समाज पोर्तुगलले अङ्ग्रेजी नयाँ वर्ष र माघे संक्रान्तिको अवसरमा खुल्ला वनभोज तथा पारिवारिक भेटघाट कार्यक्रमको आयोजना गर्ने भएको छ । समाजले जनवरी २० तारिख सोमबारका दिन कार्यक्रमको आयोजना गर्ने भएको हो ।
समाजकी अध्यक्ष बिनु बस्नेतका अनुसार कार्यक्रम बेला भिस्ता पार्कमा हुनेछ । कार्यक्रम दिउसो १:०० बजेदेखि शुरु हुने छ ।
कार्यक्रममा खानपीन र नाचगानसहित रमाइलो गरिनेछ ।
पोर्तुगलमा रहेका सम्पूर्ण दिदीबहिनी तथा दाजुभाइहरुलाई सहभागी भइ कार्यक्रम भव्य रुपमा सफल पारिदिनका लागि समाजले अनुरोध गरेको छ ।
