अमेरिकाको न्यूयोर्कमा सडक दुर्घटनामा परि १० वर्षे नेपाली बालक श्रृजल पन्थीको निधन भएको छ ।
मंगलबार बिहान ७ बजे न्युयोर्कको क्विन्सस्थित कोरोनामा बालकलाई स्कुल पु¥याउन जाँदै गर्दा फोहोर बोक्ने ट्रकले श्रृजल र उनकी आमा मीना पन्थी दुबैलाई ठक्कर दिएको थियो ।
कोरोनाको ५७ एभिन्यु र ९७ स्ट्रिटमा जेब्रा क्रसिङबाट बाटो कट्दै गर्दा ट्रकले ठक्कर दिएको जनाइएको छ ।
घटनापछि घाईतेलाई तत्काल अस्पताल लगिएको थियो । घटनास्थलको नजिकै रहेको एल्महर्ष्ट हस्पिटलमा उपचारका क्रममा बालकको निधन भएको हो ।
घाइते मीनाको खुट्टामा फ्याक्चर भएकाले आजै शल्यक्रिया गरिने जनाएको छ ।
