२४ मंसिर, सप्तरी । सप्तरीका एक जना वडा सचिवले जन्म दर्ता गर्नका लागि दुई लाख रुपैयाँ घुस लिएका छन् । मंगलबार साँझ घुस्याहा वडा सचिव घुससहित पक्राउ परेका छन् ।
जिल्लाको महदेवा गाउँपालिका ६ का सचिव नमोनारायण मिश्र एक चिया पसलबाट घूससहित पक्राउ परेका हुन् ।
राजविराज नगरपालिका २ स्थित तेतरी गाछीको एक चिया पसलमा सेवाग्राहीसँग दुई लाख रुपैयाँ घुस लिँदै गर्दा उनलाई पक्राउ गरिएको हो ।
अख्तियार दुरुपयोग अनुसन्धान आयोग इटहरीबाट खटिएको टोलीले मिश्रलाई घुसवापत लिएको रकमसहित पक्राउ गरेको हो ।
