२५ कार्तिक, काठमाडौं : सामाजिक सञ्जलामा अघोरी बाबा भनेर चर्चित विजय केसीकी श्रीमती शारदा पाण्डेलाई प्रहरीले नियन्त्रणमा लिएको छ । ठगी गरेको आरोपमा उजुरी परेपछि बाबाकी श्रीमतीलाई प्रहरीले नियन्त्रणमा लिएको हो ।
उजुरीका आधारमा बाबकी श्रीमतीलाई सोमबार नियन्त्रणमा लिएको महानगरीय प्रहरी परिसर काठमाडौंका प्रहरी प्रवक्ता होविन्द्र बोगटीले जानकारी दिए । ‘ठगी गरेको आरोपमा बाबाकी श्रीमतीविरूद्ध उजुरी परेको थियो । उजुरीकै आधारमा छलफलका लागि यहाँ ल्याइएको हो’, प्रहरी प्रवक्ता बोगटीले भने ।
