टोकियो, जापान । जापान पुगेका एक नेपाली युवा सम्पर्कविहीन भएका छन् । स्याङजा चापाकोट नगरपालिका–१ खोलागाउँका २२ वर्षीय सन्दीप कोइराला झण्डै एक वर्षदेखि परिवारसँग सम्पर्कविहीन भएका हुन् ।
गत २०७२ साल चैत्र २९ गते जापान गएका उनी शुरुमा कुरुमे किताक्युस्युमा रहेको ओहारा जिदोस्या कलेजमा अध्ययनरत थिए । सन्दीप ०७५ मंसिर १७ गतेदेखि परिवारको सम्पर्कमा नरहेको उनका पिता भूमिप्रसाद कोइरालाले जानकारी दिएका छन् ।
सम्पर्कविहीन रहेका छोरा सन्दीपलाई खोजी गरिदिन परिवारले एनआरएनए क्युसुका संयोजक देवराज उप्रेतीलाई आग्रह गरेको छ ।
सन्दीपलाई फेला पारेमा एनआरएनए क्युस्यु अथवा जापान प्रहरीमा जानकारी दिन संयोजक उप्रेतीले जानकारी दिए ।
उप्रेतीले जापान प्रहरीसम्म सम्पर्कविहीन सन्दीपकोबारेमा जानकारी दिने बताएका छन् ।
