काठमाडौं : पछिल्लो २४ घन्टामा देशभर पाँच सय ३८ जनामा कोरोना संक्रमण पुष्टि भएको छ । याेसँगै संक्रमितकाे संख्या १० हजार ९९ पुगेकाे छ ।
स्वास्थ्य तथा जनसंख्या मन्त्रालयले मंगलबार गरेको नियमित मिडिया ब्रिफिङमा प्रवक्ता डा. जागेश्वर गौतमले नयाँ थपिएकाेमा चार सय ४८ पुरुष र ९० जना महिला रहेकाे जानकारी दिए ।
त्यसैगरी आज संक्रमणमुक्त भई ७६ जना डिस्चार्ज भएको गौतमले बताए । डिस्चार्ज हुनेमा पुरुष ६८ र महिला आठ जना छन् ।
‘नमस्ते नेपाली डट कम्’ मा तपाईको व्यवसाय वा संघ संस्थाको प्रवर्द्धन र प्रचार प्रसार गरेर व्यवसायिक लाभ लिनुहोस् :
गौतमका अनुसार हाल आइसोलेसनमा सात हजार आठ सय ५१ जना रहेका छन् ।
थप एककाे मृत्यु
दैलेख जिल्लाकाे दुल्लु नगरपालिका– ३ का ४५ वर्षीय पुरुषकाे उपचारकाे क्रममा ८ असारमा मृत्यु भएकाे गाैतमले पुष्टि गरे । कर्णाली अस्पतालमा उपचारका लागि ३ असारमा भर्ना भएका उनकाे साेही दिन स्वाब संकलन गरेकाे र भाेलिपल्टै काेराेना पाेजेटिभ देखिएकाे उनले बताए । याेसँगै काेराेना संक्रमणबाट नेपालमा मृत्यु हुनेकाे संख्या २४ पुगेकाे छ । – नयाँ पत्रिका
